20 klubet që militojnë në Serie A, zhvilluan sot një video-konferencë ku diskutuan për problematikat që po kalon futbolli në vend.
Kështu u vendos unanimisht një tjetër datë, pikërisht 9 maji si datën e fundit dhe më të mundshmen për të rinisur kampionatin, duke konfirmuar tezën se do të jetë e pamundur që të rivendoset normaliteti deri më 3 prill.
Paraprakisht duhet pritur edhe çfarë do të vendoset në mbledhjen e nesërme të UEFA-s, por klubet kanë diskutuar për përfshirjen e një rregulli të jashtëzakonshëm, që zgjat automatikisht kontratat e lojtarëve me klubet deri më 15 korrik, me qëllim që të mund të mbyllet sezoni normalisht.
