Nuk ndodh gjithmonë që ti të kesh mundësinë të shohësh nga afër idhullin tënd dhe aq më tepër të kesh mundësinë ta takosh ose të marrësh fanellën prej tij.
Një moment i veçantë që nuk do ta harrojë kurrë i ka ndodhur një tifozë të vogël të Flamengos në Brazil. Tifozja kishte shkuar në stadium për të ndjekur skuadrën e zemrës, por nuk e kishte menduar kurrë se nga stadiumi do të largohej me fanellën e idhullit të saj.
Pikërisht pas përfundimit të ndeshjes, Gabigol shkon te vajza e vogël dhe i jep fanellën e tij. Pikërisht tifozja e vogël nga emocionet e mëdha ka shpërthyer në lot, teksa Gabigol tregoi se përveç se një futbollist i mirë është edhe një njeri që respekton tifozët.
