Çelsi i ka rrëmbyer Juventusit dhe Interit talentin finlandez, Xhimi Tauriainen. Ky i fundit është 16 vjeç dhe luan në repartin e mesfushës.
Finlandezi ka treguar paraqitje të shkëlqyera me HJK Helsinikin, nëpërmjet të cilave ka tërhequr edhe vëmendjen e ekipeve të mëdha.
Sipas “The Sun”, në gjurmën e Tauriainen prej kohësh është vënë Interi dhe Juventusi që donin ta merrnin në ekipet e tyre, por lojtari ka vendosur të kalojë te Çelsi.
Mesfushori është prezantuar te londinezët, me të cilët do të bashkohet nga 1 korriku dhe në fillim do të luajë me ekipin e të rinjve.