Real Madrid bëri bujë disa kohë më parë, kur i rrëmbeu Barcelonën ish-talentin e saj, Takefusa Kubo. Japonezi firmosi për “Los Blancos” dhe këtë sezon luan i huazuar te Mallorca.
Ditën e sotme, talenti ka gjetur edhe rrugën e rrjetës. Kubo ka shënuar golin e dytë për ekipin e tij në transfertën e vështirë të Eibar, duke i dhënë ishullorëve një sukses me mjaft vlera.
Në minutën e 78-të, djaloshi japonez shmangu bukur një nga kundërshtarët dhe goditi në cepin e portës, me topin që shkoi fillimisht në shtyllë më pas rrjetë.
