Nice dhe Monaco e mbyllën ndeshjen me rezultatin 2-1. Stevan Jovetic nuk po kalon një moment të mirë te skuadra e Monacos. Malazezi do të mbahet mend në ndeshjen e sotme vetëm për ndërhyrjen e tij.
Futbollisti doli me karton të kuq në minutën e 84′. Lojtari u shtri me taka dhe ndërhyri direkt në këmbët e kundërshtarit. Ai kërkoi falje menjëherë, por ishte tepër vonë, pasi ndërhyrja ishte e frikshme.
Gjyqtari e kaloi momentin me karton të verdhë, por pas konsultimit me VAR, ai nxori me karton të kuq. Fatmirësisht lojtari i Nice nuk pësoi dëmtim të rëndë. Kartoni i kuq i kushtoi ekipit të tij, pasi vendasit shënuan dhe golin e dytë, atë të fitores.