Është “mbreti” i asisteve, por dje ka vendosur që të shënojë një supergol “alla Del Piero” për 3 pikët e Peskaras. Ledian Memushaj i ka dhënë fitoren skuadrës së tij në Serinë B, duke realizuar në mënyrë të shkëlqyer në ndeshjen që “Delfinët” e fituan kundër Askolit, 2-1.
Në minutën e 80-të, mesfushori i Kombëtares finalizon nga e majta në mënyrë perfekte një aksion me goditje precize, duke e dërguar sferën atje ku portieri Leali nuk mund ta arrinte. Vlonjati kalibroi mirë nga e majta një goditje me të djathtën nga cepi i zonës së rreptësisë, me topin që kaloi portierin dhe u ndal poshtë kryqëzimit në shtyllën e dytë.
Pas javës së 26-të, Peskara është vetëm dy pikë larg zonës “play off” për Serinë A, e gjendur në vend të 11-të.
Buona serata da Ledian Memushaj. pic.twitter.com/nzbLLt0ocP
— Giacomo Moccetti (@GiacomoMoccetti) March 1, 2020