Juventusi vazhdon të mendojë për të ardhmen dhe ka kuptuar që, nëse ka një repart për t’u përmirësuar më tej në merkaton e verës, kjo është mesfusha. Dhe objektivi madhor, prej muajsh, është Sandro Tonali, i konsideruar si “Pirlo i ri”. Kjo gjë, sigurisht nuk është një mister.
Presidenti i Brescia, Cellino, kërkon jo më pak se 50 milionë euro për të. Në të vërtetë, nëse kampionati do të rifillonte dhe Tonali do ta rriste ende performancën e tij, kjo shifër nuk mund të jetë më e mjaftueshme.
Por, homologët teknikë mund të kishin një rol vendimtar. Fabio Paratici ka dy karta të shkëlqyera në dorë, për ta realizuar operacionin: Nicolussi Caviglia, mesfushor i datëlindjes 2000, i cili po bën mirë në huazimin te Perugia, dhe Idrissa Touré, i të njëjtit rol (datëlindja 1998), protagonist me Juve U-23 në Serie C. “Tuttosport” e zbulon një plan të tillë.
Nicolussi Caviglia, vitin e kaluar debutoi në Serie A, nën menaxhimin e Allegri. Touré mbërriti nga Gjermania verën e kaluar dhe tani përfaqëson një drejtim kryesor të skuadrës bardhezi U-23.
Konkurrenca për Sandro Tonali vjen jo vetëm nga Italia (me Interin në “pole”, midis skuadrave të tjera), por edhe nga jashtë: të dy Manchesterët, Chelsea, Atletico Madrid dhe PSG.
