Një ndër lojtarët ikonë të Atletico Madrid në vitet e fundit është padyshim Gabi, i cili ka mbajtur shiritin e kapitenit për shumë kohë.
Spanjolli ka luajtur në Katar vitin e fundit, ku ka qenë pjes ë e Al-Saad, ekip që drejtohet nga Xavi Hernandez. Gabi, në moshë 36-vjeçare tashmë, po mendon për karrierën si trajner dhe mediat në Spanjë shkruajnë se është gati të rikthehet tek Atletico, për të qenë pjesë e stafit teknik të trajnerit Simeone.
Gabi e ka marrë licencën e trajnerit dhe është gati për të nisur karrierën e re. Sipas mediave, Simeone e pret me krahët hapur në Madrid, pasi shumë prej lojtarëve të Atleticos gëzojnë marrëdhënie shumë të mirë me mesfushorin.
