Trajneri francez, Arsen Venger, ka një mendim interesant për sa i përket të ardhmes së futbollit. Ish-trajneri i Arsenalit, i larguar pak kohë më parë pas shumë viteve në drejtim të “topçinjve”.
Në një intervistë për “Bild” ai deklaroi se roli trajnerit në të ardhme do të jetë i papërfillshëm. “Në 5 vitet e ardhshme, klubet nuk do të mund të përballojnë influencat e jashtme. Mbase ndërrimet e futbollistëve do të vendosen nga rrjetet sociale. Do të ketë ndonjë votim pas pjesës së parë. Njerëzit do të tregojnë se kush duhet të vazhdojë dhe kush duhet të dalë”, u shpreh francezi.
Ai gjithashtu ka komentuar edhe transferimin e Ronaldos te Juventusi. “Kristiano ka marrë me vete ndjekësit e tij në Itali dhe publiku nëpër botë tashmë bën tifo për lojtarin dhe kjo klubin. Nejmari për shembull është ka më shumë ndjeksa se gjithë Liga e Parë franceze”, përfundoi tekniku.
