Gianluigi Donnarumma është gjithnjë e më larg Milanit, me italianin që pritet të kalojë te PSG ose Chelsea. Zërat shtohen çdo ditë e më shumë në lidhje me këtë gjë dhe ditën e sotme, “Corriere dello Sport”, raporton se ka nisur puna për të gjetur zëvendësuesin.
Si pasues i Donnarummës është zgjedhur Alessio Cragno. Gardiani ka shkëlqyer me Cagliarin dhe shumë ekipe janë vënë në ndjekje të tij.
Kartoni i 25-vjeçarit vlerësohet rreth 20-25 milionë euro, shifër që pritet mos të jetë problem për kuqezinjtë, të cilët do të arkëtojnë një shumë të majme nga shitja e Donnarummës.