Ramsey ka vetëm fjalë të mira Ronaldon
Aaron Ramsey ka lavdëruar shokun e skuadrës te Juventusi, Cristiano Ronaldon.
Ai është i befasuar nga puna e palodhshme e portugezit.
Ronaldo po shijonte një tjetër sezon të mirë, duke shënuar 25 gola në 32 paraqitje para se pandemia e koronavirus të ndërpresë futbollin.
“Ai është atlet i jashtëzakonshëm”, tha Ramsey.
“Ai është i pari në palestër, kryen gjithë rutinën i pari dhe më pas del në fushë”.
“Ai është fitues, dëshiron të fitojë çdo ndeshje, kujdeset për çdo detaj, cfarëdoqoftë, më pas ai praktikon goditjet e lira, gjëra tjera…”.
“S’leni nevojë që unë të ju tregoi se sa i mirë është, ai është i mrekullueshëm, një ndër më të mirët në histori të futbollit”. /Gazeta Express/
