Edison Kavani nuk e ka vendosur ende të ardhmen e tij, duke ditur që i përfundon kontrata me PSG-në këtë verë.
Sulmuesi po punon së bashku me menaxherët e tij, për të gjetur një skuadër të re për sezonin e ardhshëm. Mediat franceze raportojnë se ekziston edhe mundësia që lojtari të qëndrojë edhe për sezonin tjetër te PSG-ja, duke e rinovuar kontratën të paktën për një vit.
Megjithatë “La Gazzetta dello Sport”, ditën e sotme raporton se agjenti i lojtarit, ia ka ofruar klientin e tij Interit. Zikaltërit ende nuk kanë marrë ende vendimin për këtë propozim, por mund të shihej si një alternativë e mirë në sulm.
Për Kavanin do të ishte një rikthim në Serie A, duke ditur që në të kaluarën ka luajtur edhe për Napolin dhe Palermon.
