Ish-ylli i futbollit amerikan (NFL-së), Jim Hill, po akuzohet nga bashkëshortja e vet se ia ka lëpirë fytyrën asaj, me qëllim që t’ia bartë sëmundjen ngjitëse, koronavirus.
Lori Lee, gruaja e Hill, pretendon se komentatori i njohur i sportit ishte bërë i dhunshëm ndaj saj gjatë një bisede në shtëpinë e tyre në Los Angeles.
Por Hill i ka mohuar akuzat përmes avokatit të vet.
“Jim Hill i mohon akuzat e Lori Lee për dhunë familjare”, ka thënë avokati i tij për TMZ Sport.
Në ankesën e saj, Lee shpjegon se ajo ishte shtrirë në dysheme duke e pritur Hillin ta godasë, por ai i kishte thënë asaj se ishte i infektuar me Covid-19 dhe më pas e kishte lëpirë në fytyrë, me qëllim për t’ia bartur sëmundjen. /Gazeta Express/
