Makina Ferrari e pilotit spanjoll Carlos Sainz do të niset nga vendi i fundit ditën e diel, në garën e Çmimit të Madh të Turqisë në Formula 1. Drejtuesit e “kokëkuqes” kanë vendosur të montojnë motorin e katërt sezonal te njëvendëshja e Sainz (nga 3 të lejuar), ndaj penaliteti është i paevitueshëm.
E njëjta gjë pat ndodhur edhe me Charles Leclerc në garën e fundit në Rusi, që montoi motorin e katërt dhe u nis nga vendi i fundit. Pritet që motori i ri i Sainz të jetë më i fuqishëm nga ai i zakonshmi, me një sistem hibrid të ri. Në këtë garë do të mungojë për Ferrarin drejtori sportiv Matti Binotto.
