Anglia është në pikun e luftës ndaj koronavirusit, ndaj edhe qytetarëve iu është kërkuar më shumë se kurrë të zbatojnë rregullat për të mos u infektuar apo për të mos përhapur COVID-19.
Ky rregull vlen edhe për klubet e futbollit, të cilat në këto moment i kanë të ndaluara grumbullimet për stërvitje. Por, kundër rrymës ka dalë “Special One”, Hoze Murinjo.
Tekniku portugez së bashku me tre futbollistë të Totenhemit, Sançez, Sesenjon dhe Ndombele kanë provuar të stërviten në park.
Futbollistët dhe trajneri portugez nuk e kanë çuar nëpër mend të zbatojnë rregullat, pasi gjatë mini stërvitjes nuk është zbatuar distanca e sigurisë, ndërsa Sesenjo dhe Sançez kanë vrapuar normalisht krah njëri-tjetrit.
Sikur të ms mjaftonte kjo, mediat angleze pretendojnë se klubi i Totenhemit ishte kundër vendimit për të bërë stërvitje, ndaj Murinjo ka grumbulluar tre të besuarit e tij në Londrën veriore.
