Italia e ka kaluar pjesën më të vështirë të virusit të tmerrshëm dhe rastet e reja duken në ulje. Tashmë, ka nisur të diskutohet se kur mund të rinisë futbolli, me presidentin Gravina që ka folur shkurt.
Numri një i federatës italiane të futbollit, shprehet se shpreson që kampionati të rifillojë në fund të majit, ose në fillim të qershorit. Ai gjithashtu shpjegon se si do të funksionojë luajtja e ndeshjeve dhe masat që do të merren, ku do të ketë një periudhë kohore të mbushur vetëm me kontrolle.
“Do të ketë një periudhë vetëm me kontrolle, për të garantuar negativitetin e atyre që do të jenë pjesë e ndeshjeve”, shprehet Gravina.
