“Shëndeti është një faktor jetësor që duhet të na çojë të marrim edhe vendime të forta. Futbolli nuk është prioritet sot. Eshtë thjesht një hobi!”… Në një intervistë për “L’Equipe”, presidenti i Brest ka përdorur këto fjalë teksa kërkon që sezoni të mbyllet dhe mos vazhdohet më.
“Në rend prioritetesh, nuk vjen përpara, nuk vjen as e dyta, por pas francezëve… Nuk kanë asnjë dëshirë të zbresin në fushë me stadiumin bosh dhe kjo panoramë nuk bën askënd të ëndërrojë”.
“Nuk ka sens të luhet pa tifozë, kur futbolli është bërë për tifozët. Procesi për virusin do të jetë i gjatë dhe gradual. Për mua, sezoni dhe kampionati mbyllen këtu. Nuk kam ndër mend të çoj ekipin në Paris për të luajtur ndaj PSG. Rreziku është i madh”.
