Ish-shefi ekzekutiv i Arsenal Ivan Gazidis është emëruar zyrtarisht si CEO i ri i AC Milan, këtë e ka konfirmuar klubi italian.
54-vjeçari është larguar nga Arsenal në fund të tetorit pas një dekade të kaluar në Londrën veriore.
Ai është zyrtarizuar nga bordi i Milan të mërkurën dhe ka dhënë intervistën e parë për punëdhënësin e ri.
“Dua t’i siguroj miliona tifozëve të klubit rreth e qark botës se do të punoj me zemër dhe shpirt për të bërë më të mirën time.
“Për të arritur atë që duam të gjithë për këtë klub të madh, puna duhet të fillojë tani dhe duhet punë ekipi, si brenda ashtu edhe jashtë fushës.
“Po e pres me padurim aventurën time të re. Megjithëse do të jetë një sfidë e vështirë, jam i bindur se, së bashku, mund të rikthejmë Milan aty ku i takon.”