Një përdorues i Twitter ka rikuperuar një video, në të cilën Cristiano Ronaldo quhet “Custodio” në një transmetim (në spanjisht) të miqësores parasezonale të 3 gushtit 2002, ku luante Sporting kundër Betis. Ky ishte takimi i parë i CR7 me skuadrën në fjalë portugeze.
Ai u hodh në fushë në minutën e 77-të, me numrin 28 në shpinë, dhe kishte kohë të shënonte një gol të shkëlqyeshëm në fitoren 2-1 për lisbonasit. “Custodio” hidhte hapin e parë të vërtetë te Sporting Lisbona, jo te skuadra e të rinjve. Prej asaj kohe kanë rrjedhur kaq shumë ndeshje dhe trofe, sa Ronaldo konsiderohet një nga yjet më të mëdhenj të futbollit botëror.
