Komentatori Dritan Shakohoxha, ka vijuar të sulmojë trajnerin e kombëtares shqiptare, Edi Rejën.
Ditën e djeshme Shakohoxha shprehej se tekniku i Shqipërisë nuk duhet të paguhet, pasi po e merr rrogën qyl dhe nuk po punon.
Për këtë ide të tijën, Shakohoxha i mori dhe një mendim presidentit të Kukësit, Safet Gjicit, në intervistën e sotme në “Fan Zone”.
Kombëtarja nuk do të luajë për 10 muaj, sipas mendimit tuaj duhet të paguhet Reja?
Në përgjigjen e tij, Gjici u shpreh:
“Është çështje tjetër ajo e trajnerit të Kombëtares.
Normalisht, nuk do të ishte e drejtë të paguhet 10 muaj pa luajtur asnjë ndeshje.
Duhet të ndihmojmë njëri-tjetrin, në këtë situatë luftën ta kalojmë të gjithë së bashku”, u shpreh Gjici.
Dritan Shakohoxha prej kohësh ka nisur sulmet edhe ndaj FSHF-së, pas marrdhënieve të prishura me presidentin Armand Duka. (TemA)
