Një nga lojtarët që përflitet për një largim të sigurt në fund të sezonit nga Barcelona është Ivan Rakitic. Kroatit i përfundon kontrata sezonin e ardhshëm dhe nuk ka ndërmend të rinovojë.
Ai ka kërkuar largimin dhe shumë klube interesohen për të. Gjithsesi, Rakitic ka folur së fundmi për “Marca” dhe ka lënë gjithçka në ajër, pasi shprehet se situatën e tij do ta analizojë pas emergjencës, duke mos dhënë direktiva nëse do të largohet apo jo.
“Asgjë nuk ka ndryshuar. Jam në momentin më të mirë të karrierës time dhe jam shumë i motivuar. Arritjet që kam pasur në futboll më bëjnë t’i kuptoj gjërat më mirë. Gjithmonë mundohem të bëj më të mirën. Në momentin që situata të normalizohet dhe emergjenca të mbarojë, do të analizoj gjithçka.”
