Juventus pritet të jetë shumë aktiv në merkaton e verës, teksa në mediat italiane ditën e sotme kanë nisur të qarkullojnë edhe emrat që do të largohen nga “Allianz Stadium”.
Plot 4 lojtarë me peshë janë me valixhe në duar, ku i pari në listë është Gonzalo Higuain. Pas argjentinasit vjen Miralem Pjanic, i cili kërkohen nga shumë klube në Spanjë dhe Angli.
I treti është Douglas Costa, i cili ka pasur shumë pak hapësira me Sarrin si trajner, ndërsa i fundit në listë është Bernardeschi, i cili ashtu si Costa, nuk ka pasur shumë hapësira me modulin 4-3-1-2 që ka aplikuar më shpesh Sarri.