Mauro Icardi kthehet në qendër të vëmendjes.
Këtë herë nuk bëhet fjalë për një gol ose për zërat e merkatos: sulmuesi argjentinas në pronësi të Inter-it, aktualisht i huazuar te Paris Saint-Germain, i ka dhënë një like një postimi në Instagram kundër klubit zikaltër.
Bojan Krkic ka postuar në profilin e tij një mesazh që ka lidhje me ndeshjen mes Barcelona-s dhe Inter-it të 2010-ës në Champions League, kur skuadra e Mourinho-s ka bërë një hap tjetër drejt Triplete-s mes polemikave të shumta.
Bojan ka kujtuar ndeshjen e luajtur para 10 vitesh duke ndryshuar fjalën Aniversario (përvjetor) në AniVARsario dhe duke lënë të kuptohet se historia do të kishte qenë ndryshe me VAR.
Mesazhi i ish-yllit të Barçës ka marrë një like nga Mauro Icardi, i cili është sulmuar nga tifozët e Inter-it.