Një pasion për pingpongun që ka vënë në dyshim dashurinë për futbollin Mesut Ozil rrëfen tradhtinë ndaj futbollit, kur ishte akoma shumë i ri. Në një intervistë të dhënë për Marca-n, fantazisti i Arsenal-it ka pranuar se e ka braktisur futbollin për disa muaj:
“Isha me të vërtetë i mirë në pingpong, në moshën 11-12 vjeç më kanë përfshirë në skuadrën e shkollës dhe, në truneun e parë, i kam mundur të gjithë kundërshtarët”, ka thënë Ozil.
“Kam luajtur edhe kundër trajnerit tim, më ka mundur, por ka qenë një sfidë e madhe. Pasioni për sportin tim të preferuar (futbolli) ishte i madh, por në atë moment të caktuar të jetës sime jam argëtuar më shumë me pingpongun”.
“Megjithatë, më pas kam kuptuar se pingpongu nuk do të ishte sporti im, kështu që jam kthyer të luaj futboll sepse më mungonte shumë topi”.
