Juventusi po mundohet që të gjejë gjuhën e përbashkët me Manchester United për Paul Pogba. Klubi italian ka nisur propozimin e radhës për drejtuesit anglezë për të rikthyer kampionin e botës në Itali.
Adrien Rabiot dhe 30 milionë euro cash për kartonin e mesfushorit. Ish-lojtari i PSG-së nuk ka bindur dhe nuk shihet i vlefshëm për skemat e Maurizio Sarrit, por duket se Ole Gunnar Solskjaer dhe drejtuesit e tjerë nuk janë dakord me një ofertë të tillë.
Ata duan para cash për kartonin e francezit dhe nuk duan që të bëjnë shkëmbime të tilla. Rabiot pëlqehet nga United, pasi “Djajtë e kuq” e kanë kërkuar dhe në kohën kur ishte pjesë e PSG-së, por nuk duan të lëshojnë Pogbanë pa shumë përfitime.
