Argjend Malaj është përforcimi i radhës i Ballkanit në merkato. Skuadra nga Suhareka, ka prezantuar ditën e sotme, mesfushorin 27-vjeçar, i cili ka firmosur ditën e sotme për 2 sezonet e ardhshme. Malaj në të kaluar është aktivizuar edhe në Kategorinë Superiore, ku ka mbajtur veshur fanellën e Kamzës, Tiranës e Skënderbeut.
Mesfushori gjithashtu ka njohuri të mira edhe për Superligën e Kosovës, teksa është aktivizuar me Feronikelin 2 sezonet e fundit.
NJOFTIMI I KLUBIT:
Mirë se vjen Argjend Malaj
Të dashur tifozë
Futboll Klub Ballkani ka kënaqësinë të njoftojë se mesfushori Argjend Malaj është zyrtarisht pjesë e skuadrës sonë. Mesfushori 27-vjeçar ka firmosur ditën e sotme kontratën me skuadrën tonë për 2 sezonet e ardhshme duke u bërë në këtë mënyrë përforcimi më i ri i skuadrës sonë.
Malaj është një futbollist që e njeh mirë kampionatin tonë duke qenë se ka luajtur me Feronikelin 2 sezonet e fundit por edhe me Prishtinën më herët. Në të shkuarën, Malaj ka luajtur në kampionatin Shqiptar me ekipe si Kamza, Tirana e Skënderbeu.
Klubi i Ballkanit i uron mirëseardhje mesfushorit shtatlartë dhe shumë suksese me fanellën e klubit tonë.
Na priftë e mbara Suharekë
