Reali i Madridit është një forcë e frikshme jashtë fushës së lojës. Madrilenët, të parët në botë për vlerën e tyre, ndërkohë që nuk ka asnjë ekip italian në 10-she. Raporti i fundit i KPMG konfirmon vlerat e skuadrave europiane.
Analiza ka marrë nën vëzhgim 32 skuadra futbolli në Europë, mes tyre 6 italiane: Juventusi renditet në vendin e 11-të, Interi në vendin e 14-të (me një rritje të frikshme të vlerës), Roma dhe Napoli në vendin e 16-të dhe 17-të, Milani në vendin e 22-të (është klubi italian që ka humbur më shumë vlerë se kushdo tjetër në 5 vitet e fundit), Lacio në vendin e 28-të.
Për sa i përket renditjes së përgjithshme, përveç madrilenëve, në podium janë edhe Mançester Junajtid dhe Barcelona. Në këtë studim, janë të analizuara vlerat e futbollistëve të këtyre skuadrave, të ardhurat nga shitjet e biletave, shitja e të drejtave televizive dhe te popullariteti në rrjetet sociale.
Siç e thamë, Reali i Madridit është ai që komandon këtë klasifikim me 3.5 miliardë euro. Pavarësisht faktit që madrilenët nuk kanë triumfuar në dy vitet e fundit vazhdojnë të jenë një markë e rëndësishme në botën e futbollit dhe ka pësuar një rritje prej 8% nga viti i kaluar. Në vendin e dytë është Mançester Junajtid me 3.3 miliardë euro dhe në vendin e tretë Barcelona me 3.1 miliardë euro duke parakaluar Bajernin e Mynihut.
ITALIANET – Deri në vitin 2019 ishte skuadra e Juentusit që mbronte nderin e italianëve duke u renditur në top 10, por këtë vit është në vendin e 11-të duke u parakaluar nga PSG-ja dhe Arsenali. Por pavarësisht rënies në klasifikim, vlera e italianëve është rritur 12% duke arritur kuotën 1.73 milionë euro.
Rritjen më të frikshme e ka pasur Interi i “Suning”-ut, i cili ka fituar vetëm një vend në renditje, por vlera e tij në treg është përmirësuar 42%, duke arritur 983 milionë euro, +146% në krahasim me vitin 2016 kur menaxhimin e skuadrës e morën kolosët kinezë. Në këtë katërvjeçar, vetëm Totenhemi dhe Lioni janë rritur më shumë. Katër vitet e fundit u buzëqeshin edhe skuadrave romane.
Roma është rritur 68% duke arritur vlerën 602 milionë euro, ndërsa bardhekaltrit janë rritur 41% duke pasur një vlerë 320 milionë euro. Napoli gjithashtu është rritur 50%. I vetmi klub që ka pësuar rënie të vlerës është Milani, i cili renditet përpara Lacios si vlerë (526 milionë euro), por ka një rënie 3.5% në krahasim me vitin 2016. Në një vit, fondi “Elliott” ka humbur 30 milionë euro.
