Lajpcigu nuk shkoi më shumë se barazimi 2-2 ndaj Hertës së Berlinit ditën e djeshme, në një ndeshje për tu harruar për vendasit.
Me këtë barazim, të besuarit e Nagelsamn i largohen edhe më shumë kreut të renditjes, i cili mbahet nga Bajern Mynihu. Trajneri i Lajpcig nuk i kursen kritikat e tij për lojtarët, por duket se është i pakënaqur edhe me kalendarin e ndeshjeve, duke thënë se kundërshtari kishte dy ditë kohë më shumë për tu përgatitur se skuadra e tij.
“Unë nuk jam aspak i kënaqur. Ne thjesht duhet të mësojmë dhe të paraqitemi më mirë. Në mbrojtje ne ishim si një ekip fëmijësh. Zhgënjimi për këtë është shumë i madh. Ishte shumë e vështirë të futeshim në lojë, për ne ishte hera e parë që provonim një javë angleze pas shumë kohësh.
Nuk ishte njësoj për kundërshtarin, të cilët kishin më shumë kohë në dispozicion për tu përgatitur. Nuk arrij ta kuptoj si i kanë vendosur këto data kështu. Ata luajtën të premten ndërsa ne të dielën dhe tani përballemi bashkë të mërkurën. Ky është një kalendar m***, nga i cili u prekëm përsëri. E kemi thënë këtë edhe në takimet që kemi pasur, por askujt nuk i plasi.”, u shpreh Nagelsman.
