Sulmuesi i Napolit, Arkadiush Milik ka vendosur për të ardhmen e tij dhe dëshiron të largohet nga skuadra që drejtohet nga Gatuzo. Sulmuesi polak nuk dëshiron të vazhdojë karrierën me të kaltrit dhe do të nisë një aventurë të re.
Nuk dihet ende se cila do të jetë skuadra e ardhshme e sulmuesit, por mund të thuhet se nga sezoni i ardhshëm nuk do të jetë te Napoli.
Së fundmi kanë qarkulluar shumë lajme në lidhje me të ardhmen e Milik, teksa është përfolur për një kalim të mundshëm te Milani, ku do të zëvendësonte Ibrahimoviçin nëse ky i fundit largohet, ose një kalim te Juventusi, ku pëlqehet shumë nga trajneri Sarri.
Duket se kjo do të jetë një merkato e nxehtë për futbollistin, që duhet të zgjedhë destinacionin e ardhshëm për karrierën e tij.
