Legjenda e basketbollit, Kobi Brajant humbi jetën ditën e djeshme së bashku me vajzën e tij 13-vjeçare pas një aksidenti me helikopter. Kobi la pas bashkëshorten Vanesën dhe tre vajzat e tjera. Kobi ishte një person shumë i përkushtuar ndaj familjes e kjo shihet edhe nga postimet e tij në rrjete sociale ku fotot më të shumta i ka me vajzat duke u shprehur atyre dashurinë.
Javë përpara tragjedisë, Kobi kishte bërë një postim me një dedikim emocionues për bashkëshorten e tij. “Sot 20 vite më parë njoha shoqen time të ngushtë, mbretëreshën time Vanesa. Vendosa që sot ta çoja në Disneyland për të festuar bashkë me 4 princeshat tona. Të dua përgjithmonë”, shkruante Kobi.
