Paolo Skaroni beson se vështirësitë që kanë kapluar Italinë për shkak të Koronavirusit kanë kaluar. Presidenti i Milanit sheh te ndërtimi i stadiumit të kuqezinjve një stimul për të parë nga e ardhmja me optimizëm.
“Nuk ka asnjë sinjal më të mirë sesa ndërtimi në Milano i stadiumit më të bukur në botë. Interi dhe Milani po bashkëpunojnë në mënyrë të frytshme dhe javën e ardhshme do të zhvillojmë një takim me përfaqësuesit e komunës për të vendosur. Ne si klube shpresojmë të arrijmë një akord përfundimtar e të nisim sa më shpejt nga puna për impiantin e ri që do të jetë një vlerë e shtuar për qytetin”.
Në pritje të përgjigjeve të analizave të dyfishta, numri 1 i klubit ka folur edhe për rinisjen e sezonit. “Duhet të japim sinjalin tonë drejt kthimit në normalitet. Kjo ka të bëjë me tifozët, por edhe për ekonominë. Pa futboll dëmet do të ishin të mëdha për Serinë A”, përfundoi Skaron.
