Që nga Kupa e Botës e vitit 2018, në futboll është futur teknologjia, i njohur ndryshe si sistemi VAR, që po ndihmon gjyqtarët maksimalisht për të evituar gabimet më të rënda gjatë një ndeshje.
VAR, tani është pjesë e pothuajse gjitha ligave më të rëndësishme të Europës, duke dhënë garanci që skuadrat të mos dëmtohen falë gabimeve eventuale të gjyqtarëve.
Por ndodh shpesh që gjyqtarët të konfirmojnë bindjet e tyre përmes VAR në rastet e pozicioneve jashtë loje, apo ndonjë penalltie.
Por, ndryshimet në rrjedhën e ndeshjeve vijnë kur ky sistem jep të kundërtën e asaj që ka pretenduar gjyqtari në fushë, duke sjellë ndryshime në rrjedhën e lojës dhe në rezultat.
Në Spanjë, konkretisht në La Liga, nëse nuk do të kishte ndërhyrje të VAR, renditja do të ishte ndryshe.
Do të ishte Real Madrid që do të kryesonte para Barcelonës, me dy pikë më shumë, 64 me 62.
