Pritej “drita jeshile” ose pranimi i Arthur Melo dhe më në fund ka ardhur! Barcelona ka ushtruar presion të jashtëzakonshëm te futbollisti brazilian që të pranonte Juventusin dhe këtë transferim, pasi më vonë do të ishte e pamundur që të operonte në merkato dhe kështu ka ndodhur…
Mediat spanjolle dhe “Sky Sport” italian raportojnë se në këtë moment ka ardhur përgjigjia pozitive e mesfushorit katalanas.
Tani mbeten detajet e fundit fiskale. Pjanic do të përgatitet të udhëtojë drejt Barcelonas kur të mbyllet sezoni.
Vlerësimi i boshnjakut është 60 mln euro dhe bonuse, kurse ai i Arthur 70 mln euro dhe 5 mln bonus. Diferenca është 10 mln euro dhe 5 bonus që bardhezinjtë do të paguajnë më shumë. Arthur do të firmosë për 5 vitet e ardhshme për 5 mln euro.
