Napoli mësohet se do ofrojë 100 milion euro për dyshen e Liles, mbrojtësin Gabriel dhe sulmuesin Osimhen. Klubi napoletan dëshiron të mbyllë sa më shpejt marrëveshjen, ku dhe i ka ofruar kontrata 5 vjeçare të dy lojtarëve.
Mbrojtësi vlerësohet 30 milion euro nga Lile kurse sulmuesi vlerësohet 70 milion. Napoli po kërkon mbrojtësin e Liles Gabriel pasi e shohin si zëvendësuesin ideal të Kulibalisë që duket drejt largimit në Premier Ligë. Ndërsa sulmuesi Osimhen është parë sot në Napoli ku pritet të diskutojë dhe me shumë mundësi të pranojë marrëveshjen e klubit italian. Sulmuesi ka udhëtuar së bashku me menaxherin e tij ku pritet të hedhin firmën në kontratë.