Danimarka do të përballet sot në orën 14:00 me Tunizinë. Mes këtyre ekipeve luhet për kualifikimin si e dytë në një grup që pritet të dominohet nga Franca.
Trajneri i danezëve, Kasper Hjulmand, nuk fshihet teksa deklaron: “Kemi ardhur të fitojmë diçka në këtë Botëror, por e dimë që nuk jemi favoritë”.
Nga ana tjetër, Tunizia përjeton pjesëmarrjen e gjashtë në një Kupë Bote.
Kapiteni Jusuf Mskani mungoi në “Rusi 2018” si pasojë e një dëmtimi në gju, por tani ndihet gati të realizojë një mision siç është kalimi i fazës së grupeve, diçka që kombëtarja e tij nuk e ka bërë kurrë në historinë e saj.
“Të gjithë i kujtojmë sakrificat e bëra për të mbërritur deri këtu, por jemi në një moment vendimtar e mund të rishkruajmë historinë”, deklaroi 32-vjeçari që luan në kampionatin katariot
