Pak fjalë, por shumë mesazhe… Arthur Melo është futbollisti më i ri i Juventusit, edhe pse do të duhet që në fillim të mbyllë sezonin me fanelën e Barcelonas, klub nga i cili nuk do të kishte dashur të largohej por që për arsye bilanci u sakrifikua…
Mesfushori brazilian u shit për gati 82 mln euro te bardhezinjtë (përfshirë bonuset) duke firmosur për 5 vite me gati 6 mln euro rrogë me bonuse.
“Faleminderit Juventus për interesimin e madh për mua”, shkroi 23-vjeçari në Instagram. “Unë e di se do të shkoj në një klub të madh, shumë sfida na presin, për t’u kapërcyer së bashku. Tani jam përqendruar te e tashmja. Unë kam objektiva të rëndësishëm për të arritur me Barcelonën dhe do të vazhdoj deri në fund të sezonit, duke dhënë gjithçka për shokët e mi të skuadrës dhe të gjithë tifozët.
Faleminderit shumë për përkrahjen! Shihemi kundër Atletico Madrid”, ishin fjalët e mesfushorit brazilian.
