Mançester Junajtid është kualifikuar në gjysëmfinalet e Kupës së Anglisë pasi kaloi me jo pak vështirësi pengesën e quajtur Noruiç. Djemtë e Solskjaer arritën të siguronin kualifikimin vetëm në kohën shtesë ku mbrojtësi Meguajër shënoi golin e fitores.
Ndeshja në kohën e rregull përfundoi 1-1. Golit të Ighalos për Mançester Junajtid i’u përgjigj Kantell në minutën e 75 të takimit. Noruiç e mbylli ndeshjen me 10 lojtarë pasi Klose në minutën e 89 u ndëshkua me karton të kuq.
Ndeshja shkoi me shtesë ku vendimtar ishte Meguajër me mbrojtësin që shënoi në minutën e 118 duke evituar kështu ruletën ruse të penalltive.
