Koronavirusi (COVID-19) është konfirmuar te 22 lojtarë të klubit të futbollit meksikan Cruz Azul, i cili luan në ligën e parë të këtij vendi të Amerikës Latine (MX League), transmeton Anadolu Agency (AA).
Klubi përmes një njoftimi theksoi se për koronavirus janë testuar ekipi i meshkujve dhe femrave. Rezultatet kanë treguar se 14 lojtare dhe 8 lojtarë ishin pozitivë me koronavirus.
Emrat e sportistëve të infektuar nuk janë publikuar, por thuhet se janë në gjendje të mirë shëndetësore dhe se ka filluar procesi i trajtimit nga COVID-19.
Liga e Meksikës gjithashtu është shtyrë për shkak të koronavirusit dhe është planifikuar të vazhdojë më 24 korrik, pa praninë e tifozëve.
