Klubi i Juventusit raportohet se ka arritur marrëveshjen me Barcelonën për transferimin në Torino të mesfushorit brazilian, Arthur Melo.
Lajmi është dhënë nga “Sky Sport”, që shkruan se bardhezinjëve u ka kushtuar plot 70 milionë euro ky operacion. Thuhet se të dyja klubet kanë rënë dakord dhe shumë shpejt mesfushorin brazilian do ta shikojmë me bluzën bardhezi.
Arthur pëlqehet shumë nga trajneri Sarri i cili dëshiron të ndërtojë mesfushën rreth brazilianit dhe e donte me çdo kusht te ekipi i tij. Raportohet se marrëveshja është arritur dhe shumë shpejt pritet edhe zyrtarizimi.
Gjithashtu raportohet se të dyja palët po punojnë, që të mbyllin gjithçka rreth këtij transferimi brenda 30 qershorit, me lojtarin që do kalonte në Itali, pas përfundmit të sezonit aktual.
BREAKING: Juventus have agreed a £72.5m fee with Barcelona to sign Arthur.
— Sky Sports News (@SkySportsNews) June 23, 2020