“Të luash në orën 21:45, nga pikëpamja mjekësore është një fatkeqësi e vërtetë për shëndetin, përtej asaj se kush fiton apo humbet. Me këto ritme po shkojmë në një rraskapitje fizike të lojtarëve. Sa më shumë orë nga rikuperimi i energjive të humbasin lojtarët, aq më i madh do të jetë sindromi që çon në rraskapitje fizike. Shëndeti kërcënohet seriozisht”. Ky është paralajmërimi i Ivo Pulcini, drejtori mjekësor i Lazio, bërë në mikrofonat e “Radio Punto Nuovo”.
Më tej, ai vazhdon: “Në gjithë përvojën time me federatat e ndryshme kombëtare kam kuptuar që duhen 4 përbërës, për të qenë në formë: efikasiteti psikik, forca fizike, përgatitja teknike dhe taktike. Në “shportën” e cilësive, këto të katërta mundësojnë një performancë të shkëlqyer. Në rrjedhën e situatës nevojitet edhe një edukim sanitar. Stimulimi më i madh i entuziasmit vjen nga endorfina, e cila prodhohet nga vetë trupi i lojtarëve. Kreatina? Më së shumti, 5 ose 6 gramë, nëse është e nevojshme. Më shumë se kaq konsiderohet doping dhe unë i kam paralajmëruar mjekët sportivë”.
