Futbolli italian po rikthehet këtë fundjavë pas pushimit tre mujor shkaku i pandemisë COVID-19.
Federata e Futbollit të Italisë ka vendosur që fillimisht të luhen ndeshjet e kthimit në Kupën e Italisë. Sot, Juventusi në ‘Allianz Stadium’ takohet me Milanin, në ndeshjen që fillon në orën 21:00.
Kjo ndeshje do të zhvillohet pa praninë e tifozëve por Cristiano Ronaldo ka një mesazh:
“Kudo që ju jeni, ne do të jemi gjithmonë së bashku”, ka shkruar Ronaldo në rrjetet sociale.
Kujtojmë që ndeshja e parë mes Milanit dhe Juventusit e zhvilluar në “San Siro”, ka përfunduar barazim me rezultatin 1:1.
