Zlatan Ibrahimovic nuk plaket kurrë, ose më saktë, nuk njeh konceptin kohë! 9 gola që kur ka ardhur në janar dhe 5 asist! Thjesht i jashtëzakonshëm…
Edhe pse akrepat e orës ecin dhe shumë shpejt do të mbushë 39 vjeç, duket se koha ka ndaluar për suedezin e Milanit.
“Kur shënoni, është gjithmonë pozitive, kështu që unë ndihmoj ekipin. Shpresojmë që të vazhdoj kështu, kam forcë të shënoj. Ata më thonë që jam i moshuar dhe i lodhur por thjesht po nxehem (qesh)”.
Sekreti i këtij Milanit? “Sipas mendimit tim, të gjithë kanë një mentalitet tjetër pas rinisjes së futbollit, më konkret dhe agresiv”.
“Kur vjen mundësia, situata vritet me gol! Finalizim dhe kaq. Ia thashë sapo mbërrita. Unë e di se në Serie A shumë raste nuk vijnë, po kur ato lindin duhet t’i shfrytëzosh”.
A jeni si vera? “Si Benjamin Button (personazh filmi), kam qenë gjithmonë i ri, kurrë i moshuar (qesh)”.
Pioli? “Vetëm gjëra pozitive, jam i lumtur për të sepse ai bëri një punë të shkëlqyeshme. Punoi nën zjarr pa e ditur të ardhmen, bëri një punë të shkëlqyeshme. Rinovimi është i merituar. E meritonte, nuk ishte një situatë e lehtë. Skuadra beson shumë tek ai dhe unë e respektoj, ai thjesht pret të shohë ekipin që duhet të ndjekë”.
