Ish-trajneri i Shqipërisë, Xhani De Biazi ka folur rreth ekipit të Napolit dhe për mbrojtësin shqiptar që aktivizohet aty, Elseid Hysaj. Shkodrani duket se është rikthyer në formë nën drejtimin e Gatuzos ku gjeti edhe golin e parë me napoletanët fundjavën e kaluar.
Nisur nga kjo, De Biazi mendon se Napoli do gabojë nëse e largon Elseid Hysajn. “Kundër Barcelonës, Gatuzo mund të bëjë diçka historike me Napolin. Mes fitores dhe humbjes egziston një vijë ndarëse shumë e hollë, prandaj Gatuzo nuk duhet ta ulë përqëndrimin e skuadrës. Lojtarët duhet të jënë të vëmendshëm sepse sezoni nuk ka përfunduar ende”.
Trajneri Italian që kualifikoi për herë të parë Shqipërinë në një kompeticion evropian të futbollit siç ishte Europiani i vitit 2016 u pyet edhe për Hysajn. “Po të isha tek Napoli nuk do ta largoja. Ai është ende i ri dhe mund ti japë ndihmë të rëndësishme skuadrës”, përfundoi De Biazi.
