Për të prezantuar Inter-Napolin, Televizioni i Suning (PPTV) projektoi hijen e Messit në Duomo në posterin e ndeshjes.
Një imazh që nxiti ëndrrën e tifozëve zikaltër për të parë numrin “10” argjentinas me fanellën e Interit. Sipas Corriere della Sera, afrimi i kapitenit të Barcelonas do të sigurojë fitime të mëdha në të ardhurat e marketingut dhe cilësinë e sportit.
“Te Inter na duhet vërtet një kampion si ai. Për shumë arsye. Në një nivel teknik skuadra do të bënte një kërcim mbresëlënës përpara. Të kesh Messi atëherë do të thoshte përfitim nga një rezonancë planetare e përditshme, e cila do të sillte një ortek përfitimesh. Do të ishte më e lehtë të vini lojtarët e një niveli të caktuar në klub”.
“Do ta ndihmonte Suning të bënte të njohur veten në të gjithë planetin. E njëjta gjë do të ndodhte për markën Inter. Blerja e argjentinasit do të bënte që marka zikaltër të shpërthejë në nivelin e marketingut, t’i jepte një depërtim ndër-kontinental emrit Inter, ta bënte atë një ekip botëror, siç ndodhi me Juventus me Cristiano Ronaldo”.
“Për të mos përmendur sponsorizimet, do të kishte një nxitim për ta afruar emrin e kompanisë afër Messit”, shpjegon gazeta.
“Të jesh në gjendje ta transferosh atë në Itali do të ishte mirë për tërë Serie A, thjesht duke menduar për përmirësimin e të drejtave të televizionit”.
Kostot – Gazeta më pas analizon kostot e një operacioni hipotetik për të sjellë “pleshtin” në Milano. “Operacioni do t’i kushtonte Interit rreth 500 milion euro në tre vjet midis vlerësimit të çmimeve, angazhimit (nga 50 milion neto në sezon) dhe komisioneve të ndryshme. Do të ishte një përpjekje e jashtëzakonshme, por edhe një investim i sigurt dhe afatgjatë, përtej kontratës tre vjeçare për pleshtin! Suning ka forcën ekonomike për të kryer një operacion të ngjashëm, mbase gjithashtu ka shtytje nga qeveria kineze për ta provuar dhe mbyllur atë: kthimi në aspektin e figurës do të ishte më i fortë se çdo fushatë komunikimi”.
