Atalanta fiton përsëri, por tashmë nuk është më një risi. Skuadra e Gasperinit arrin suksesin e nëntë radhazi mes Serisë A dhe Champions League (i katërti në po aq lojëra që nga rifillimi i kampionatit) dhe, ndoshta përfundimisht, largon Napolin nga gara për vendin e katërt.
Janë 15 pikë që tani ndajnë ekipin e Gasperinit nga ai i Gattusos. Një seri rezultatesh që gëzojnë trajnerin bluzi: “Në këto vite kemi mbërritur para të gjithëve përveç Juventusit. Do të arrijmë edhe para Napolit. Do të shohim nëse mund të përmirësojmë më tej pozicionin tonë në renditje, gjëja më e rëndësishme është që kemi mbajtur distancën nga Roma. Performanca me Napolin ka qenë e jashtëzakonshme nga këndvështrime të ndryshme”.
Por, në Bergamo kanë nisur të ëndërrojnë edhe Champions League.
“E mendojmë Ligën e Kampionëve, edhe pse kampionati mbetet thelbësor për të marrë pjesë në Champions League përsëri vitin e ardhshëm. Do të arrijmë ta luajmë atë në gusht, por vetëm përmes rritjes konstante dhe një pjekurie të caktuar mund të luajmë shanset tona”.
“Konkurrenca dhe niveli i Champions janë të frikshme, por këto vitet e fundit jemi përmirësuar. Uroj vetëm që të mos kemi dëmtime”.