Futbollisti i Interit Danilo D’Ambrozio zbulon se si reagon trajneri i tij Antonio Konte në dhomat e zhveshjes kur ekipi nuk merr maksimumin në fushë.
Pas fitores ndaj Torinos 3-1, futbollisti italian tregon se Konte dëshiron të qëndrojë në kampin zikaltër.
“Nuk jemi shqetësuar kurrë, sepse kemi një trajner që do gjithmonë të rrisë stekën dhe jemi mësuar me atë se çfarë ndodh jashtë fushe. Të jem i sinqertë, nga mënyra se si flet duket që Konte dëshiron të qëndrojë me çdo kusht këtu. Është normale që ai kërkon kaq shumë nga ne, prandaj duhet të vazhdojmë përpara. Në disa ndeshje, Konte e kthen dhomën përmbys. Ai kërkon që ne të përmirësohemi, e di se si duhet të itojë dhe ne duhet të ndjekim këshillat e tij”, rrëfen D’Ambrozio.
