Philippe Coutinho duhet të gjejë një klub për t’u sistemuar për të ardhmen e tij. Braziliani do të largohet nga Bayern Munchen, pasi gjermanët nuk duan të paguajnë për të, ndërsa e njëjta gjë vlen dhe për Barcelonën. Katalanasit shpresojnë ta shesin në verë.
Arsenali nisi i pari bisedimet me yllin brazilian, por marrëveshja është larg. Ai i ka kërkuar agjentit të tij që të ketë më shumë kohë për të vendosur. Nuk vjen rastësisht një lëvizje e tillë, pasi 28-vjeçari ka pas vetes dhe dy klube angleze.
Leicester City dhe Tottenhami duan futbollistin e Barcelonës. Mourinho pëlqen këmbëshpejtin dhe shpreson ta rikthejë në Premier League. Coutinho dhuroi paraqitjet më të mira gjatë kohës që luante për Liverpoolin.
