Ditën e sotme, tifozët e Milanit u zgjuan me lajmin për një rikthim të mundshëm në Bundesligë nga Hakan Calhanoglu. Madje, Gazzetta dello Sport dhe disa portale të tjera në Itali shkruanin dhe se mumri 10 i Milanit duket se është tërhequr pas një rinovimi të mundshëm të kontratës, sepse e josh ideja për të luajtur në Gjermani në të ardhmen.
Menjëherë, turku ka reaguar në faqen e tij në Instagram duke i quajtur “fake news”, pra falsitete të krijuara. Eksperti i merkatos, Nicolo Schira, në faqen e tij të Tëitter, shkon edhe më larg dhe shprehet se është fiksuar edhe takimi mes palëve për të rinovuar kontratën deri në vitin 2024.
Kjo zgjidhje do të ishte më e pëlqyera nga të dy palët. Milan vlerëson rritjen e futbollistit turk, i cili tani ndihet i lidhur me klubin italian dhe nuk ka ndërmend ta lërë atë shpejt, sidomos sepse ka lidhur shumë miqësi edhe me Zlatan Ibrahimovic.
