Alexandre Lacazette po mendon të largohet nga Arsenali sepse nuk është kthyer në një titullar lider. L’Equipe shkruan se sulmuesi dëshiron të shkojë në një klub që i beson më shumë dhe i jep mundësinë të luajë si titullar.
Laca ishte pjesë e dëshirave të Atletico de Madrid, por për momentin klubi i Diego Simeones nuk ka buxhet për ta blerë. Një klub tjetër që ka dalë në skenë është Juventusi. Drejtuesit e italianëve janë gati të veprojnë për francezin.
Ata duan që ta marrin në verë për të zëvendësuar Gonzalo Higuainin. “Pipita” me shumë mundësi do të largohet nga Juventusi në merkaton e verës. Argjentinasi ka humbur vendin e titullarit dhe pavarësisht dashamirësisë së Sarrit, pozitat e tij duken të lëkundura.