Presidenti i Veronës Mauricio Seti deklaroi se e ardhmja e futbollistit shqiptar Marash Kumbulla do të vendoset përfundimisht pas 10-15 ditësh.
Në një intervistë për “Radio Deejay”, kreu i klubit verdheblu nuk bëri me dije se në cilin klub do të luajë mbrojtësi i spikatur kuqezi, i cili është njëri prej talenteve më të kërkuar në futbollin italian.
“Lacio apo Interi? Nuk e di të shohim, do të jetë një ndeshje e fortë. Kemi disa kërkesa specifike sepse Marash është një lojtar i rëndësishëm dhe klubi jonë është i kënaqur. Çështja e tij do të zgjidhet ne 10-15 ditët e ardhshme”, u shpreh Seti.
